时代-黑土地组合

སྙིགས་དུས། གཞས་ཚིག ས་ནག་གཞས་ཚོགས། གཞས་གདངས སྒྲོལ་མ་སྐྱབས། གཞས་མཁན ས་ནག་གཞས་ཚོགས། མུན་པའི་རྔམ་ཁ་འཐུག་པའི་མཚན་ལྗོངས་སུ།། ལོ་ཟླའི་རྣམ་ཤེས་གཏི་མུག་གཉིད་དུ་ཡུར།། རྒྱུ་འབྲས་གོ་རྟོགས་སྙིགས་མའི་དུས་ཀྱིས་ཟས།། སེམས་ཀྱི་གཏད་སོ་ཟང་ཟིང་རླུང་གིས་ཁྱེར།། རི་རབ་ལྷུན་པོའི་ཁོག་སྙིང་བཙན་གྱིས་བྲིས།། ཚིང་ཚིང་ནགས་མོའི་སྲོག་གི་རྩ་བ་བཅད།། འདབ་ཆགས་གནས་མེད་སྡུག་གི་སྐྱོ་གླུ་ལེན།། གཞིས་ཁྱིམ་གླུ་རུ་ལེན་དགོས་དུས་ཞིག་བྱུང་།། གཡུ་ཡི་ནམ་མཁའ་དུད་སྤྲིན་ནག་པོས་བསྒྲིབས།། གཙང་པོའི་སྒེག་ཉམས་ས་ཆེན་སྦུབས་སུ་འཐིམས།། རྩྭ་ལྗང་མེ་ཏོག་བྱེ་མའི་རི་ལ་ཡལ།། ས་ཆེན་ཨ་མའི་འཛུམ་མདངས་རྒྱང་ལ་སྤྲད།། འདབ་རལ་སྦྲ་ནག་བྱང་ཐང་རླུང་གིས་འགེམས།། གཡང་གི་འབྲོང་ལོ་མྱ་ངམ་ཐང་ལ་འཁྱམས།། རེ་བའི་སྐར་ཚོགས་དུས་ངན་འུར་གྱིས་དཀྲོག། སྐྱོ་སྡུག་གླུ་རུ་ལེན་དགོས་དུས་ཞིག་བྱུང་།།