慈祥-黑土地组合

བརྩེ་སེམས། གཞས་ཚིག སྒོམ་པ་བཀྲ་ཤིས། གཞས་གདངས ཟློས་དགེ་བཀྲ་ཤིས་དོན་གྲུབ། གཞས་མཁན སྒྲོལ་མ་སྐྱབས། ས་ནག་གཞས་ཚོགས། བརླན་གཤེར་སྐམ་ས་གཉིས་སུ། ། ལས་ཀྱིས་སྐྱེས་ཤིང་འཚོ་བའི། ཉམ་ཐག་དུད་འགྲོ་རྣམས་ལ། ། བྱམས་བརྩེ་ཐུགས་ཀྱིས་དགོངས་དང་། ། མི་ཆོས་ཀྱི་བསམ་བློ་དེ་ཡིན། ། རང་བྱུང་འགྲོ་བ་མི་ཡི། ། གནོད་འཚེས་ཀུན་ནས་མནར་བའི། ། ཉམ་ཐག་དུད་འགྲོ་རྣམས་ལ། ། སྙིང་རྗེ་སྤྱན་གྱིས་གཟིགས་དང་། ། ལྷ་ཆོས་ཀྱི་ཉམས་ལེན་དེ་ཡིན། ། སྐྱབས་དང་རེ་ས་བྲལ་ཞིང་། ། སྲོག་གི་ཉེན་ཁར་ཐུག་པའི། ། ཉམ་ཐག་དུད་འགྲོ་རྣམས་ལ། ། སྲོག་ཐར་གཏོང་རོགས་གནོང་དང་། ། ངེས་དོན་གྱི་དགེ་སྒྲུབ་དེ་ཡིན། ། འབག་བཙོག་གསར་སྤེལ་གྱིས་ནི། ། འཚོ་གནས་ཆ་རྐྱེན་ཕྲོགས་པའི། ། ཉམ་ཐག་དུད་འགྲོ་རྣམས་ལ། ། སྲུང་སྐྱོབ་ལས་ཞིག་སྒྲུབས་དང་། ། ཡ་རབས་ཀྱི་སྤྱོད་བཟང་དེ་རེད། ། མུ་མེད་འཇིག་རྟེན་ཁམས་ན། ། སྡུག་སྦྱོང་འཇིགས་སྐྲག་མྱོང་བའི། ། ཉམ་ཐག་སེམས་ཅན་ཡོངས་ལ། ། རང་ལ་དཔེ་ཞིག་བླངས་ནས། ། བཅོས་མིན་གྱི་བརྩེ་སེམས་སྒོམ་རོགས། །