Twee Growwe Hande-Piet Smit

Twee Growwe Hande - Piet Smit My lewe was eensaam – soos ‘n lewende hel Verstote verlate oor die sere op my vel Maar ek hoor toe daar's 'n man wat uit Nasaret kom En ek beur deur die skare tot naby aan Hom Ek val toe op my knieë en ek roep uit my gees Here as U net wil kan U my genees Hy sê toe 'Ek wil' en Hy vat toe aan my Sy twee growwe hande bly my nou nog by Elke dag het die engel die water kom roer Maar my lyf was gekluister aan ‘n bed op die vloer Soveel jare by die bad – soveel keer moes ek vra Dat iemand my tog na die water toe sou dra Hy sê toe ek moet opstaan my bed vat en loop En skielik was my lyf van al sy lamheid gestroop Ek weet nie wie Hy was nie – Hy’t net gesê ek moet glo Maar ek onthou sy growwe hande en die liefde in sy oë Vir solank ek kan onthou het ek alles probeer Maar niks kon die skande van bloed in my keer O die dag toe Hy daar was was vir my soos ‘n droom Ek het geweet ek moes net kon raak aan sy soom Deur die malende massa was Hy amper verby Maar ek skrik toe Hy stop en Hy omdraai na my Hy sê 'My dogter deur geloof is jou siekte genees' En teen my wange was sy twee growwe hande gewees Here Jesus ek staan nou hier voor U in gebed Die melaatsheid van my sonde is al wat ek het Soos die lam man van ouds wil ek U ook nou vra Dat U my asseblief na die water sal dra In geloof wil ek uitreik om aan U soom te raak Dat U my stukkende siel heel kan maak Ek wil vra dat U my tog genadig sal wees Om ook twee growwe hande op my te lê in die gees