Tenky Miss Lou Tenky-Joan Andrea Hutchinson

[ti:Tenky Miss Lou Tenky] [ar:Joan Andrea Hutchinson] [al:Wild About Jamaica] [by:] [offset:0] [00:00.00]Tenky Miss Lou Tenky - Joan Andrea Hutchinson [00:00.18]Written by:Joan Andrea Hutchinson [00:00.36]Mi is a born Jamaican an mi proud [00:02.89]An yuh fi feel proud to [00:04.72]Fi walk roun an big up yuh chest [00:06.63]An say tanks to Miss Lou [00:07.92]You say when she did start she neva know [00:10.25]A ow it woulda go [00:11.57]An nuff nuff people wen da laugh [00:13.27]An a call her poppyshow [00:14.25] [00:15.22]But she galang strong an stick it out [00:17.80]For she know say she did right [00:19.73]Inna her belly battam she did know one day [00:21.72]Dem mus an boun fi see di light [00:23.67]You say entime trouble teck wi a she wen put [00:25.98]Wi good name pan di map [00:27.53]An wen dah push Jamaica heritage [00:29.58]An Lawd she wouldn stap [00:30.81] [00:31.40]She say teck kin teet kibba heart bun [00:34.31]When times never so sweet [00:36.13]Good luck will come as lan as fowl [00:38.05]A scratch up dungle heap [00:39.40] [00:40.01]Nuff a dem did tink say she crazy [00:41.57]An nuff meck up dem face [00:43.10] [00:43.64]How Miss Lou a chat dis buguyaga Patwa sinting [00:45.77]All ova di place [00:47.98]For dem did tink Patwa was bad English [00:50.03]Dem neva know poor ting [00:52.01]Would'n tell dem pikni Nancy story [00:54.07]An folk song dem wouldn sing [00:56.49]But a di jackass wid him lang tail [00:58.98]Baga a coco coming down [01:00.26] [01:00.82]An di peel head jankro pon tree tap [01:02.90]Jus meck dem head spin roun [01:04.21] [01:05.25]An lickle bi lickle dem start fi back her [01:07.87]Start fi fan har flame [01:09.49]An see it deh afta fifty year [01:11.64]Miss Lou a one house hold name [01:13.74]Now wi nuh shame fi chat wi owna language [01:15.65] [01:16.25]An wi dah tank yuh fi it Miss Lou [01:18.38]Dem a teach it clear up a university [01:19.90] [01:20.47]An ongle sake a yuh [01:21.35]Dem a meck flim dem a write book [01:24.15]Dem a sing wole heap a song [01:26.14]An a say [01:27.07]Oh Patwa a one good language [01:28.78]But yuh wen know dat all along [01:30.15] [01:30.72]So now wi tan up proud fi be Jamaican [01:32.93] [01:33.51]An wi waan di whole world fi hear [01:35.84]Miss Lou nuff tanks for howdy an tenky [01:38.41]Neva bruck no square