Evviva o Pesto-Giuseppe Marzari

作曲 : Giuseppe Marzari 作词 : Giuseppe Marzari Evîva o pésto, o condiménto che pe-i zenéixi o l’é ’n porténto! Nisciùn credéiva che co-o mortâ ’na cösa scìmile se poêse fâ. Do baxaicò, in spîgo d’àggio dötréi pigneu, êui’e formàggio: quànde ste cöse l’éi bén pestæ ve sciòrte quésta gràn specialitæ. In condiménto tant’apresòu apetitôzo e ànche profumòu. Gh’i-a chi o ghe piâxe into menestrón che veraménte o vén ciù bón se gh’azonziéi inta mescciûa faxeu lumé, suchìn e âtra verdûa; ma-a pastasciûta se fa ciù fîto con quest’intìngolo coscì squizîto spécce e trenétte avantagiæ condîe co-o pésto són ina bontæ. Se pöi insémme gh’é de patàtte ve ne mangjêsci quattr’ò çìnque xàtte! Ànche i forèsti s’abîtoan présto e màngian tùtto condîo co-o pésto; sàrdi, toscâni e sicilién lonbàrdi, véneti, napolitén s’atrêuva mùggi zu pe-i sestê do Meu, da Mænn-a, Portöia e Pre; an di seu pàixi a nostalgîa séntan o pésto e no vàn ciù vîa. E concludéndo ripêto quésto evîva quéllo ch’à inventòu o pésto!