姑娘-片旭·更松塔叶

作曲 : 阿德•青梅才仁 作词 : 白日•丁布江才 དབྱངས། ཨ་ཏི་འཆི་མེད་ཚེ་རིང་། ཚིག བེ་རི་བསྟན་པའི་རྒྱལ་མཚན། ལེན་མཁན། ཀུན་བཟང་མཐའ་ཡས། རི་མགོའི་ག་འུ་ཅང་ཤོག་དེ།། སྤུས་ཤེལ་སོ་མའི་ཁ་དོག་ཅན།། ཚུགས་ཀ་རང་བྱུང་མིག་གི་གཟི།། སྨན་ཤར་བུ་མོའི་རྒྱན་ཆ་ཡིན།། རི་སྐེད་ཁུག་ཆུང་དར་ལོ་དེ།། བྱུ་རུ་དམར་པོའི་མདངས་ལྟར་མཛེས།། མ་བཅོས་རང་བྱུང་མགུར་གྱི་རྒྱན།། ན་ཆུང་བུ་མོའི་སྐེ་རྒྱན་ཡིན།། རི་གཤམ་ཁུ་བྱུག་མེ་ཏོག་དེ།། སྔོན་མོ་གཡུ་ཡི་མདོག་ལྟར་དྭངས།། མ་བཏགས་ལུང་ཐག་ལྷུན་གྱིས་གྲུབ།། བཅུ་དྲུག་བུ་མོའི་རྣ་རྒྱན་ཡིན།། གཞུང་གི་རྩི་ཐོག་དཀར་པོ་དེ།། དངུལ་གྱི་ཁབ་ཤུབས་གློ་ལྡིའུ་འདྲ།། མ་གཏོར་རང་བྱུང་འབུར་དུ་དོད།། བུ་མོ་ཁྱེད་ཀྱི་ལུས་ལ་འདོགས།། སེམས་ཀྱི་བརྩེ་བ་མཚོན་པ་ཡིན།། ལུས་ཀྱི་མཛེས་རྒྱན་འོང་ས་ཡོད།། སྙིང་སྡུག་བུ་མོ་ལོ་བརྒྱ་མ།། འཇིག་རྟེན་མཛེས་དགུས་ཁྱོད་ལ་བརྒྱན།།