幸福的牧区-尊追

སྐྱིད་པའི་འབྲོག་ཐང་། ལེན་མཁན། བརྩོན་འགྲུས། ཨེ་མ་ཡེ་་་་ སྦྲང་ཆར་བསིལ་མ་སིམ་སིམ་འབབ་དུས། མཛེས་པའི་རྩྭ་ཐང་མེ་ཏོག་བཀྲ་སོང་། བྲེ་སེར་འབྲི་མོས་ངུར་རྒྱང་འཐེན་དུས། མ་སྲུ་བཟང་མོའི་སྣང་བ་སྐྱིད་སོང་། ཨ་ཧ་་་་དགའ་བ་་་་སྐྱིད་པ་ལ་་་་་སྐྱིད་པ་ལ། ཨེ་མ་ཡེ་་་་ འདོ་དྲུག་རྟ་བོའི་བང་རྩལ་རྒྱས་དུས། སྟག་ཤར་གཞོན་ནུའི་ཡིད་སེམས་སྤྲོ་སོང་། གཡང་དཀར་ལུག་གིས་འབའ་སྐད་སྒྲོག་དུས། ཕྱུགས་རྫི་དགའ་བའི་སྐྱིད་གླུ་བླངས་སོང་། ཨ་ཧ་་་་དགའ་བ་་་་སྐྱིད་པ་ལ་་་་སྐྱིད་པ་ལ། ཨེ་མ་ཡེ་་་་ ཆོས་ཀྱི་དུང་རྒྱག་ལྷང་ལྷང་སྒྲོག་དུས། དད་ལྡན་སྐྱ་སེར་བློ་སེམས་བདེ་སོང་། རྒྱུ་འབྲས་དྲང་བའི་ལས་ལ་ཞུགས་དུས། བདེ་སྐྱིད་འཚོ་བ་དར་ཞིང་རྒྱས་སོང་། ཨ་ཧ་་་་དགའ་བ་་་་སྐྱིད་པ་ལ་་་་་སྐྱིད་པ་ལ་་་་་་་ ་་་་་་་་