Nöchschta Track-Sektion Kuchikäschtli

Nöchschta Track Niamols hät i tenkt, dass das usgrächnet miar passiart, aber a däm Tag hät jeda Muskel vu miim Körper vibriart. T Luft isch miar wägbliiba, und für an Moment han i gspührt, wia miis Bluat förmlich in miina Odara und Vena gfrührt. Paralysiart vu däm Erläbnis, han mi nümm chönna vum Fläck bewega. Am Satan persönlich z begegna, wär ächt an Drägg dagega! Und i han tenkt: "Wenn i das als Passascha in miini Memoira schriib, erlangt dia Bestseller-Status, au wenn dr Rescht im Triviala bliibt!" Aber was, wenn sich miini Autobio nid verchauft, will miar aigentlich kai Sau dia spannend Gschicht so rächt glaubt? Ma wür mi viilicht für krank erklära und in dia nöchscht Klapsa stecka Und dr bescht Awalt vur Wält chönnt mi nümm us dr Patscha retta: "Jo, miar glauben Ihna. Klar, hän Sie das gseh!" Und ma wür miar nur a wiitari Valium zur Beruhigig geh. Und iar mainen jetzt sicher: "Siis Erläbnis verzellt är üs glii!" Doch glauben iar, i bin so blöd? Das Risiko gohn i nid i! Iar sind no nid berait für das, nai das hätti kai Zwäck! Und i glaub, i mach z Richtiga, wenn i säg: "Nöchschta Track!"