【粤剧】蝴蝶夫人-马师曾/红线女

【粤剧】蝴蝶夫人 - 马师曾/红线女 旦: (白) 来啦，请坐低先啦！ 生: (白) 唉！夫妻上头要平等至好嘅， 成日咁服侍我， 搅到我过意唔去唧 旦: (白) 应该嘅 (反线走马) 斟杯咖啡跪敬君， 生: (接唱) 不必咁拘会跪到晕嘅， 你跪迎跪送整得咁拘跪到晕唧， 旦: (接唱) 人地要系要咁至系， 不能不拘免得失礼人， 生: (接唱) 你傻定肾， 戥你真正笨， 你无谓咁昏沌， 我地得两个人， 又无他人， 响闺房寻乐要甜蜜至应份， 旦: (接唱) 你共我把快乐寻， 应要檀郎做快乐人， 嗱你要除鞋我跪脱， 等你时时无闷困， 生: (接唱) 你时时无谓咁呀喇， 旦: (接唱) 我愿时时侍奉你， 我望君你常护荫， 生: (接唱) 乜得你咁兴奋得㗎， 旦: (接唱) 只愿时时服侍你， 我要你笑面吟吟， 生: (接唱) 其实有的下女服侍， 旦: (接唱) 我将你服侍觉得开心， 你无谓再话我真正笨， 其实我好应份， 生: (接唱) 你是我心爱嘅人， 在闺房闺房寻乐呢其实要烟韧， 旦: (接唱) 我愿意足下陈， 君呀我实在行运， 生: (接唱) 娇呀我至系行运， 旦: (接唱) 感君一片隆情护爱人 生: (白) 讲混讲沌，都唔记得恭喜你添！ 旦: (白) 恭喜我乜嘢唧？ 生: (正线板眼二流) 今天恭喜是你生辰； 好话要多讲来博你开心。 福禄寿三星佢将你等； 等你要完要剩去让畀人。(锣鼓) 恭喜你一世娇艳如花唔使搽脂荡粉；(锣鼓) 恭喜我两人心相印， 决不中途拆散会两相分。 恭喜一世到头都咁烟韧； (花) 大概咁恭喜你都会开心。 旦: (白) 你成日咁恭喜我， 其实我恭喜你至啱！ 生: (白) 我又唔系生日 旦: (白) 你估系生日至开心嘅咩！ 生: (白) 咁有乜嘢开心得过生日呀？ 旦: (白) 就来做爸爸叻你！ 士兵: (白) 报告上尉， 军舰今晚六点启程回国！ 生: (白) 吓！今晚六点启程回国？ 旦: (白) 唉吔！ (乙反哭相思) 夫呀 (乙反二王) 我惊闻分别， 真系令我难舍难分。 君呀能否带我同行， 生: (接唱) 军舰难带住家嘅人等； 旦: (接唱) 你能否不随军舰去， 生: (接唱) 奈何我有军令尚在身。 旦: (接唱) 咁你何日再回来， 我都要将郎你追问； 生: (接唱) 记取燕巢再结个日， 便是再见姐你玉人。 你要保重你娇躯， 因为你身怀有孕； 旦: (反线中板) 我暗心酸， 唉！无言可再说， 嘱君你莫劳顿风尘。 望夫君， 自爱自珍， 毋使闺人常抱恨； 更望郎， 家书常寄， 须知平安两字胜千金。 (南音) 呢个系我嘅相片， 谨以赠良人； 留下你唇边嘅烟具， 暗里与佢两相亲。 留下你一套睡衣裳， 与我同衾枕； 留下你嘅睡鞋一对， 永远在我榻边陈。 生: (快中板) 生离死别最销魂。 一路平安无须问； 燕巢重结我重临。 临别彷徨 (花) 说不尽离愁别恨； 旦: (接唱) 妾心有如古井水， 望郎切莫作出岫云。